- భక్తుల సౌకర్యార్థం మరుగుదొడ్ల నిర్మాణానికి భూమిపూజ.. స్వాములను కలిసిన కేంద్ర మంత్రి బండి సంజయ్ కుమార్
కరీంనగర్, అక్టోబర్ 27 (చైతన్యగళం): అయ్యప్ప స్వాముల మహాపాదయాత్ర సాఫీగా సాగాలని కేంద్ర మంత్రి బండి సంజయ్ కుమార్ ఆకాంక్షించారు. మహాపాదయాత్రలో పాల్గొనే అయ్యప్ప స్వాములు, భక్తుల సౌకర్యార్థం మరుగుదొడ్ల నిర్మాణానికి నిర్వహించిన భూమిపూజ కార్యక్రమంలో ఆయన పాల్గొన్నారు.
గడప నాగరాజు గురుస్వామి ఆధ్వర్యంలో అయ్యప్ప స్వాములు మంగళవారం కరీంనగర్ నుంచి శబరిమలైకు మహాపాదయాత్ర ప్రారంభించనుండగా, కేంద్ర మంత్రి వారిని కలిసి యాత్ర విజయవంతంగా సాగాలని అయ్యప్ప స్వామిని ప్రార్థించారు. యాత్రలో పాల్గొనే భక్తులకు అవసరమైన సౌకర్యాలు కల్పించడంలో భాగంగా మరుగుదొడ్ల నిర్మాణానికి భూమిపూజ నిర్వహించారు.
ఈ కార్యక్రమంలో కరీంనగర్ మేయర్ కొలగాని శ్రీనివాస్, డిప్యూటీ మేయర్ సునీల్రావు, కార్పొరేటర్లు తదితరులు పాల్గొన్నారు.

