- దేశ సమగ్రత, ప్రజాస్వామ్య పరిరక్షణకు ఆమె చేసిన సేవలు చిరస్మరణీయం: కాంగ్రెస్‌ నాయకులు
హుస్నాబాద్‌, అక్టోబర్‌ 31 (చైతన్య గళం):
భారతదేశ తొలి మహిళా ప్రధానమంత్రి, ఉక్కు మహిళగా పేరుగాంచిన ఇందిరా గాంధీ 42వ వర్ధంతిని పురస్కరించుకుని శనివారం హుస్నాబాద్‌లో కాంగ్రెస్‌ పార్టీ ఆధ్వర్యంలో వర్ధంతి కార్యక్రమం నిర్వహించారు. పట్టణంలోని అంబేద్కర్‌ చౌరస్తా వద్ద ఆమె చిత్రపటానికి పూలమాలలు వేసి నాయకులు, కార్యకర్తలు ఘనంగా నివాళులర్పించారు.
ఈ సందర్భంగా కాంగ్రెస్‌ నాయకులు మాట్లాడుతూ దేశ సమగ్రత, సమైక్యత, ప్రజాస్వామ్య పరిరక్షణ కోసం ఇందిరా గాంధీ చేసిన సేవలు, త్యాగాలు దేశ చరిత్రలో చిరస్థాయిగా నిలిచిపోతాయని అన్నారు. పేదలు, బడుగు బలహీన వర్గాల అభ్యున్నతికి ఆమె చేసిన కృషి మరువలేనిదని పేర్కొన్నారు. ఇందిరా గాంధీ ఆశయాలను కొనసాగిస్తూ ప్రజా సంక్షేమం కోసం ప్రతి ఒక్కరూ కృషి చేయాలని పిలుపునిచ్చారు.
ఈ కార్యక్రమంలో జిల్లా గ్రంథాలయ సంస్థ మాజీ చైర్మన్‌ కేడం లింగమూర్తి, హుస్నాబాద్‌ మున్సిపల్‌ చైర్‌పర్సన్‌ దండి లక్ష్మి, వైస్‌ చైర్‌పర్సన్‌ చిత్తారి పద్మ రవీందర్‌, కౌన్సిలర్లు పూదరి వరప్రసాద్‌, భూక్య సంపత్‌ నాయక్‌, కొండ రజిత, సావుల మంజుల, బత్తుల స్వరూప, కోఆప్షన్‌ సభ్యులు ఎం.డి. హసన్‌, భూక్య సరోజన, మాజీ ఎంపీపీ ఆకుల వెంకట్‌, మాజీ మార్కెట్‌ కమిటీ డైరెక్టర్‌ లావుడియా బిక్యా నాయక్‌, కాంగ్రెస్‌ పార్టీ నాయకులు, కార్యకర్తలు తదితరులు పాల్గొన్నారు.
