ఆమనగల్లు, జూలై 1 (నీలగిరి ఎక్స్ ప్రెస్):
ఆమనగల్లు మండల పరిధిలోని ఆకుతోటపల్లిగేట్ సమీపంలో బుధవారం జరిగిన ఘోర రోడ్డు ప్రమాదంలో ఓ ట్రాన్స్జెండర్ మృతి చెందిన ఘటన స్థానికంగా విషాదాన్ని నింపింది. స్థానికుల కథనం ప్రకారం, రోడ్డుపై వెళ్తున్న జీపును అదే దిశలో వెనుక నుంచి వస్తున్న ఆటో బలంగా ఢీకొనడంతో ప్రమాదం చోటుచేసుకుంది. ఢీకొన్న తీవ్రతకు ఆటోలో ప్రయాణిస్తున్న ట్రాన్స్జెండర్ అమ్ములు తీవ్రంగా గాయపడ్డారు. ప్రమాదాన్ని గమనించిన స్థానికులు వెంటనే స్పందించి గాయపడిన అమ్ములును చికిత్స నిమిత్తం సమీప ఆసుపత్రికి తరలించేందుకు ప్రయత్నించారు. అయితే తీవ్ర గాయాల కారణంగా ఆసుపత్రికి తీసుకెళ్తున్న మార్గమధ్యలోనే ఆమె మృతి చెందినట్లు వైద్యులు నిర్ధారించినట్లు సమాచారం. ఈ ఘటనతో ప్రమాద స్థలం వద్ద విషాద వాతావరణం నెలకొంది. సమాచారం అందుకున్న పోలీసులు వెంటనే ఘటనాస్థలానికి చేరుకుని పరిస్థితిని పరిశీలించి, మృతదేహాన్ని పోస్టుమార్టం నిమిత్తం ప్రభుత్వ ఆసుపత్రికి తరలించారు. అనంతరం కేసు నమోదు చేసి ప్రమాదానికి గల కారణాలపై దర్యాప్తు ప్రారంభించారు. జీపు, ఆటో డ్రైవర్ల నిర్లక్ష్యం ఏమైనా ఉందా అనే కోణంలో పోలీసులు విచారణ చేపట్టారు. ప్రమాదానికి సంబంధించిన పూర్తి వివరాలు ఇంకా తెలియాల్సి ఉండగా, పోలీసుల దర్యాప్తు కొనసాగుతోంది.
ఆకుతోటపల్లిగేట్ వద్ద ఘోర రోడ్డు ప్రమాదం – ట్రాన్స్జెండర్ దుర్మరణం
RELATED ARTICLES
